🐕 ஒரு அம்மா தாயின் அவலநிலை

         அல்ல, மனிதனின் குணம் என்னிடம் அல்ல. ஒரு முறை உன் மீது அன்பு வைத்துவிட்டால், நீ செல்லும் இடமெல்லாம் உன்னுடன் வருவேன், நீ நிற்கும் பொழுதெல்லாம் உன் காலடியில் இருப்பேன். உன் பங்கில் ஒரு சிறிய பருக்கை கொடுத்தாலும், மகிழ்ச்சியாக ஏற்றுக் கொள்வேன். உன்னுடன் விளையாடுவதில் மிகுந்த ஆர்வம் காட்டுவேன். அனைத்திற்கும் மேலாக, உனக்காக என் உயிரையும் கொடுக்க தயங்க மாட்டேன்.

                                               -நாய்

நாம் அனைவருக்கும் நாயை பிடிக்கும். ஒரு சிலருக்கு பிடிக்காமல் இருக்கலாம், ஆனால் பிடிக்காமலிருக்கும்பொழுது கூட அதன் மீது  பரிவு காட்டுவதுண்டு. நாயினால் நமக்கு நன்மையும் இருந்திருக்கலாம் தீமையும் இருந்திருக்கலாம், ஆம் நன்மையை விட தீமை நடப்பதே அதிகம். சில நேரங்களில் சிலருக்கு இதன் காரணமாகவோ நாயை வெறுத்திருக்க கூடும். மனிதர்களை கடிப்பது,வாகனம் ஓட்டும் பொழுது திடீரென நடுவில் வருவது, இவ்வாறு பல விதமான விபத்துகளை ஏற்படுத்தி இருக்கலாம். மனிதர்களின் செயல்களுக்கு நாய்களினால் ஈடேற்றம் கொடுக்க இயலாமல் இருக்கலாம், ஆனால் சிலருக்கு அப்படி அல்ல. தன் குறைகளை நாய்களிடம் கூறுவார்கள், அதனுடன் உறங்குவார்கள்,

சிலருக்கு தன் அருகில் தான் விரும்பும் நாய் இருந்தால் அதில் மீது ஏறி மிக ஆனந்தமாக விளையாடுவார்கள், அது அவர்களின் மகிழ்ச்சி. அந்த நாய்க்கு அது சுமையாகவே தெரியாதல்லவா!இவ்வாறு சொல்லிக் கொண்டே போகலாம்.

இங்கு ஒரு அம்மா நாயின் அவல நிலையை காட்டுகிறேன்:.       தன் குழந்தைகளை ஈன்றெடுத்த ஒரு அம்மா நாய் தாயின் பாடுகள் இவ்வாறு 

என் குழந்தைகளின் பசியை தீர்க்க தெருத் தெருவாக ஓடுவேன். அத்தெருவில் உள்ள என் எதிரி உறவினர்கள் என்னை துரத்துவார்கள்,அவர்களிடம் சிக்கியவுடன் என்னை குதிருவார்கள்.

கால் வலிக்க நின்று கொண்டு இருப்பேன், நீங்கள் உண்றுகொண்டிருக்கும் உங்கள் தட்டில் இருந்து ஒரு துண்டை எடுத்து வீசமாட்டீர்களா என.

சில சமயங்களில் நீங்கள் என்னை கல்லெடுத்து எரியவும் கூடும்.

மாமிசம் அறுத்துக் கொண்டிருப்பவரிடம் அருகில் நின்றால் கூட, அவர்கள் வைத்திருக்கும் கத்தியால் என்னை தாக்கிய நாட்களும் உண்டு.

அனைத்தும் என் குழந்தைகளுக்காகவே

நான் என் பிள்ளைகளின் பசிக்காக வெளியே சென்று இருக்கும்போது, எனக்கே தெரியாமல் என்  குழந்தைகளை எடுத்துக்கொண்டு போய் தொலைதூரத்தில் தனியாக விடுவதை நீங்களே அறிவீர்கள்.

ஆனால் உங்கள் பிள்ளைகளோ, உங்களுக்கு வேண்டியவர்களோ காணாமல் போனால், உங்கள் நிலைமையே என் நிலைமை என நீங்கள் ஏன் உணர்வதில்லை?

மழைக் காலங்களில் என் குழந்தைகள் நனையாமல் இருக்க, நீங்கள் ஒதுக்கப்படாத இடத்தில் நாங்கள் இருந்தால் எங்களை அவ்விடத்திலிருந்து துரத்துவீர்கள்.

காரணம் எங்களிடமிருந்து வரும்  நாற்றமோ என்ன! நாங்கள் நாய்களாக பிரிந்து விட்டோம்.

மனிதர்களாகிய நாம் மரம், செடி, புல் பூண்டு இவற்றைவிட பெரியவர்களாக இருக்கலாம் ஆனால், விலங்குகளை விட தாழ்ந்தவர்கள் என்பதே உண்மை. ஆகவே நாய்களும் ஒரு ஜீவன் என மதிப்பதே ஆறு அறிவு உள்ள மனிதனின் குணமாகும்.

மனிதர்களையே மதிப்பதில்லை நாய்களை இவ்வாறு மதிப்பார்கள்? என சிலருக்கு கேள்வி எழலாம், ஆனால் அவரவர்மனதில் ஒரு சிறிய இறக்கப் பகுதி இருக்கும். அதையாவது அஜஜீவன்களுக்கு காட்டலாமே.